Һылыу ҡоштар(шиғыр). Төхвәт Йәнәби

Һылыу ҡоштар (шиғыр ) автор Төхвәт Йәнәби

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Һылыу ҡоштар

 Абау, һылыу ҡоштары,
 Нәп-нәҙек суҡыштары,
 һоҡландырғыс һындары,
 Аҡ уҡалай түштәре.
 Беҙҙе һағынып килгәндәр,
 Йәшел талға ҡунғандар,
 Сыр-сыу килеп һөйләшеп,
 Һайрарға тотонғандар.
 Әйҙә һайра, һайрағыҙ,
 Матур талдар һайлағыҙ,
 Оя яһап, сырылдап,
 Эшегеҙҙе яйлағыҙ!

 

1988 йыл

---